కవిత్వం____అరిస్టాటిల్

   
                     Aristotle

కవిత్వం____అరిస్టాటిల్
 
         కవిత్వం మానవ ప్రవృత్తి లో భాగంగా సృజింపబడుతుంది మానవ ప్రవృత్తిలో అనుకరించడం ఉంది. అనుకరణ చూసి ఆనందించడం ఉంది. అనుకరణ ద్వారానే మనిషి ఎన్నో విషయాలు నేర్చుకుంటాడు. అనుకరణవల్ల సృజింపబడిన వస్తువులు చూసి మనిషి ఆనందిస్తాడు. చిత్రకారుడు ప్రకృతి దృశ్యాలను చిత్రీకరిస్తాడు. కవి మానవ స్వభావాన్ని ప్రతిబింబిస్తాడు. అతడు సాధించిన విజయాలను గానం చేస్తాడు. అనుకరణ  లాగానే మాధుర్యం, లయ కూడా మానవునికి ఆనందాన్ని కలిగిస్తాయి. ఈ కారణాల వల్ల కవిత్వం సృజింపబడుతుంది. కవి వ్యక్తిగత  దృక్పథం వలన కవిత్వం రెండు భాగాలుగా విడిపోయింది 1  గొప్ప వ్యక్తులు సాధించిన ఘన విజయాలను చిత్రించడం 2 సామాన్య వ్యక్తులను అల్ప కార్యాలను చిత్రించడం.మొదటి రకం కావ్యాలను ఇతిహాసాలు అంటారు .రెండో రకం కావ్యాలు నాటకాలు గా ప్రసిద్ధి చెందాయి. ఇవివిషాదాంతాలూ, సుఖాంతాలూ ఉన్నాయి. సుఖాంతాలు కన్నా విషాదాంతాలు చాలా విలువైనవి. విషాదాంత రచనలకు కొన్ని లక్షణాలు ఉంటాయి అవి 1. ఇతివృత్తం 2.పాత్రచిత్రణ 3 భావం 4 వ్యక్తీకరణ 5 దృశ్యం 6 గానం(సంగీతం)
ఇతివృత్తం రచనకు ప్రాణ ప్రదమైనది . ఇతివృత్తం  చిన్నదిగా ను లేదా పెద్దదిగాను ఉండరాదు. మధ్యేమార్గం అవలంభించడం మంచిది. పలుచోట్ల జరిగిన సంఘటనలై ఉండరాదు. ఏం జరిగిందో చెప్పడం కన్నా  ఈనాటి సందర్భాన్నిబట్టి ముందు ఏమి జరగనుందో కవి చెప్పగలగాలి. కవికి చరిత్రకారులకు ఇక్కడే తేడా కనిపిస్తుంది . కవిత్వంలో విశ్వజనీనత దర్శించగలం. చరిత్ర కొన్ని సంఘటనలు సంబంధించినది మాత్రమే. చరిత్ర కన్నా కవిత్వంలో తాత్వికాంశాలు ఎక్కువై ఆకర్షణీయమూ ఆరాధనీయమూ అవుతుంది. రెండవది పాత్ర చిత్రణ విషాదాంత పాత్రలు మానవుడి సహజమైన చర్యలను ప్రతిబింబిస్తాయి. సుఖాంతాలు  మానవుని ప్రతిబింబ చేయవా అన్న ప్రశ్న రావచ్చు.కానీ మనిషి ఆవేదనను అంతరంగాన్ని నిజంగా ఆవిష్కరించేవి విషాదాంతాలే. మూడవది భావం .సంభాషణల ద్వారా భావాన్ని తెలియజేయాలి. కొన్ని జీవిత సత్యాలు కూడా సంభాషణల్లో తెలియజేయాలి. నాలుగవది వ్యక్తీకరణ భావాలకు తగిన పదాలను పొందికగా అమర్చగలగాలి.  పద్యమైనా గద్యమైనా పదాలు శక్తివంతంగా ఉండాలి. మిగిలినవి దృశ్యం ,సంగీతం. వీటిల్లో సంగీతం ముఖ్యమైనది.
విషాదాంతాలు ప్రేక్షకులలో జాలి భయాన్ని కలిగించే రీతిలో ఉండాలి మంచి వ్యక్తులు ఐశ్వర్యం కోల్పోయి దరిద్రుడు అయినట్లు హెడ్ వ్యక్తులు దరిద్రం నుండి ఐశ్వర్యానికి ఎదిగినట్లు చూపించరాదు. దాని వల్ల  జుగుప్స మాత్రమే కలుగుతుంది పాఠకునికి. దేనికీ పనికి రాని వ్యక్తులు ఉచ్చ స్థితి నుండి నీచ  స్థితికి పతనం అయినట్లు చూపించడం వలన కూడా ప్రయోజనం లేదు. అందువలన ప్రేక్షకుల్లో మానవత్వాన్ని స్పందింప చేయగలుగుతాం గాని భయం, జాలి కలిగించలేం. సామాన్య వ్యక్తులు వ్యసనం వలన దిగజారుడుతనం వలన కాక జీవితంలో చేసిన కొన్ని పొరపాట్లు వలన దీనస్థితి కి దిగజారినట్లు చిత్రిస్తే చూసే వారిలో భయం జాలి కలుగుతాయి .భయం ,జాలి మనిషిలో కలిగేటట్లు చేయాల్సిన అవసరం ఎందుకు ఉందంటే అవి మనసులో ఉన్న కల్మషాలను పక్షాళన చేస్తాయి. దానివల్ల మనిషిలో అంతర్గతం గా మార్పు సంభవిస్తుంది.

__అరిస్టాటిల్ (పోయటిక్స్) (క్రీ.పూ 384_ 447)

(సేకరణ: పిళ్లా కుమారస్వామి)

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

తెలుగు కథానిక - వికాసం

చిత్రం
తెలుగు కథానిక - వికాసం ప్రాచీన కావ్యాలన్ని కథతో ముడిపడి వున్నాయి. ఇప్పుడైతే కవిత్వం, కథ వేరు వేరుగా ఉన్నాయి గాని అప్పటివన్ని కథాకావ్యాలే. వచనంలో రాయడాన్ని గద్యం అన్నారు. కవిత్వాన్ని పద్యం అన్నారు. పద్యం, గద్యం, పద్యగద్యం ఇలా మూడు రూపాల్లో కథా కావ్యాలు వచ్చాయి. పద్యగద్య కావ్యాన్ని 'చంపూ' కావ్యం అంటారు. రుగ్వేదంలో, ఉపనిషత్తుల్లో, పురాణాల్లో, భారతంలో, రామాయణంలో ఉన్న కథలన్నీ కవిత్వంలో ఉన్నాయి గాని, అవన్నీకథలే. తెలుగులో అనగా అనగా అని మొదలుపెడితే ఆంగ్లంలో లాంగ్ లాంగ్ అగో, ఒన్స్ అపాన్ ఎ టైమ్ అంటూ మొదలు పెడతారు. మహాభారతంలో వచ్చే నలదమయంతి కథ, సతీ సావిత్రి కథ లాంటి వాటిని ఉపాఖ్యానాలు అన్నారు. కథలను కూడా విభజించారు. నీతి చెప్పే కథలను “నిదర్శనం' అన్నారు. ప్రారంభంలో రహస్యం (సస్పెన్స్) బట్టబయలు చేయకుండా చివరలో చెప్పే కథను “ మణికుల్య' అన్నారు. అగ్ని పురాణంలో(క్రీ.పూ. 7 శతాబ్దం) కథల్లో ఆఖ్యాయిక, కథ, ఖండకథ, పరికథ, కథానిక వంటి రకాలున్నాయని పేర్కొన్నట్లు జయంతిపాపారావు తన 'వెయ్యేళ్ల కథా ప్రస్థానం'లో చెప్పినారు. (1) ఆఖ్యాయిక : ఇది గద్యరూపంలో ఉంటుంది. దీనిలో 'ఉచ్వాసాల...
మరింత చదవండి

కార్తెలు ( kārte)

చిత్రం
        pc: oneindiatelugu.com  There are 27 stars according to Telugu Astrology. Each has its own unique way. These are decided by the entry of the Surya or Sun.    సూర్యుడి గమనాన్ని ఆధారంగా చేసుకుని సంవత్సర కాలాన్ని 27 భాగాలుగా చేశారు. వాటికి ‘కార్తె’ అనే పేరు నిర్ణయించారు. ఒక్కో నక్షత్ర కూటమిలో సూర్యుడు దాదాపు రెండు వారాల పాటు ఉంటాడు. దీనిప్రకారం ఒక్కో కార్తె సుమారుగా 13 లేదా 14 రోజులు ఉంటుంది. అశ్వని నుంచి రేవతి వరకు ఇలా నక్షత్రాల పేరు మీద కార్తెలు ఏర్పడ్డాయి.             జోతిష్కులు 27 నక్షత్రాల ఆధారంగా జాతకాలు,  పంచాంగాలు తయారు చేశారు. సూర్యోదయమై నప్పుడు ఏ చుక్క (నక్షత్రం) చంద్రుడికి దగ్గరగా ఉంటే ఆ రోజుకు ఆ నక్షత్రం పేరు పెట్టారు. పున్నమి రోజు చంద్రుడు ఏ చుక్కతో ఉంటే ఆ నెలకు ఆ పేరు పెట్టారు.కానీ తెలుగు రైతులు మాత్రం ఇవే నక్షత్రాలతో తమ అనుభవాల ఆధారంగా వ్యవసాయ పంచాంగాలు తయారుచేసుకున్నారు. ఈ నక్షత్రాలను కార్తెలు అని పిలిచారు.సూర్యుడు ఏ నక్షత్రానికి దగ్గరగా ఉంటే ఆ కాలానికి ఆ  కార్తె  పేరు ప...
మరింత చదవండి

స్వేచ్ఛా శృంగార కథల సమాహారం శుకసప్తతి కథలు

చిత్రం
                                       శుకసప్తతి, స్వేచ్ఛాశృంగారానికి సంబంధించిన కథల సంపుటి. ఇందులో 21 పెద్ద కథలు, 9 ఉపకథలు, మొత్తం ముప్పై కథలు ఉన్నాయి. దీనిని పాలవేకరి ఖాదిరీపతి రచించాడు. ఇతను క్రీ.శ. 1660 నాటి కాలంలో జీవించాడు. నేటి ఆంధ్రప్రదేశ్ రాష్ట్రంలోని అనంతపురం జిల్లాలోని కదిరిలో జన్మించాడని కొందరు భావిస్తున్నారు. జయంతి పాపారావు తన “ఆరు వేల కథల ప్రస్థానం"లో ఆనాటి మైసూరు రాష్ట్రంలోని కోలార్ లో జన్మించాడని పేర్కొన్నారు. ఖాదిరీపతి శుకసప్తతిని 17వ శతాబ్దంలోని మూడోపాద ప్రాంతంలో రచించారని చరిత్రకారులు భావిస్తున్నారు. ఖాదిరీపతిని కాలక్రమంలో కదిరీపతిగా పిలిచారు. కదిరీపతి తల్లిదండ్రులు కదరరాజు, కదురమ్మ.వాస్తవానికి శుకసప్తతి పేరుతో 12వ శతాబ్దంలోనే ఒక సంస్కృత కావ్యం వచ్చింది. కాని కదిరీపతి ఆ శుకసప్తతిని అనువాదం చేయలేదు. తన స్వతంత్ర రచనగా తెలుగులో పద్యకావ్యంగా అదే రీతిలో రాసినాడు. ఒక రకంగా ఇది అనుకరణ కావ్యం.           ఇందులోని కథలన్నీ పురాణ కథలు కావు....
మరింత చదవండి