తూరుపు తెలవారుతుంది ప్రతి దినం

తూరుపు తెలవారుతుంది ప్రతి దినం 

కాలం గతి మారుతుంది ప్రతీ క్షణం

మంచి మార్పు లోకానికి మంగళ దాయకం 

అది వికటించిందా...! 

లోకానికి అభ్యుదయవినాశకం 

ప్రసరించే గాలికి లేదు కులం

ప్రవహించే నీటికి లేదు మతం 

కులం పేర మతం పేర జరిగే కలహాలు 

మనిషిని పశువుగ మార్చే విష వలయాలు 

తూరుపు తెలవారుతుంది ప్రతి దినం

కాలం గతి మారుతుంది ప్రతీ క్షణం

ఓ మహాత్మా , ఓ మహర్షి

ఏది చీకటి, ఏది వెలుతురు

ఏది జీవితమేది మృత్యువు

ఏది పుణ్యం, ఏది పాపం

ఏది నరకం, ఏది నాకం 

ఓ మహాత్మా , ఓ మహర్షి

ఏది సత్యం, ఏదసత్యం

ఏదనిత్యం, ఏది నిత్యం

ఏది ఏకం, ఏదనేకం

ఏది కారణమేది కార్యం

ఓ మహాత్మా , ఓ మహర్షి