శత్రువు ఒకడుండాలె!



శత్రువు ఒకడుండాలె! 

కాలం నదిలో
 నీ ఎదురీతను చూసి నవ్వడానికి
శత్రువు ఒకడుండాలె!
అపుడే నీవు గమ్యం చేరగలవు!

గుడ్డుపైన కోడిపెట్ట పొదిగితేనే
కోడిపిల్ల బయటికొచ్చినట్టు
నీ గుండెపైన శత్రువుమాట
గుదిబండలా మారితేనే
ఏ నిద్రపట్టని రాత్రో
ఓ వెలుగుగెలుపుకిరణం నీలో తళుక్కుమంటుంది!

మాటలపువ్వులు నీపై విసిరేవాళ్ళంతా మంచి మిత్రులనుకోకు!
పూలవెనుక ముళ్ళున్నట్టే మిత్రులముసుగులో శత్రువులుంటారు!
నీ శత్రువు ఎవరోకాదు
ఒకప్పటి నీ మిత్రుడే!

చిన్నబండను చూసి కుక్క
మొరగదు కదా!
అది పెద్ద కొండను చూసే
ఊరికే అలా మొరుగుతుంటుంది!
అకారణ ద్వేషంతో నిన్ను ఎవడైనా నిందిస్తున్నాడు  అంటే
నీ ఎదుగుదలే వాడి మానసిక అశాంతికి కారణమై ఉంటుంది!
వాడు శత్రురూపంలో ఉన్న మిత్రుడే అన్న మాట!

పాపం వాడు తన విలువైనకాలమంతా నీ గురించే ఆలోచిస్తున్నాడంటే... నీకర్తవ్యపు నెగళ్ళను ఎగదోస్తూ
నిన్నో మండే సూర్యుడిని చేస్తున్నాడన్నమాట!

ముళ్ళకంచె లేకుంటే
పూలతీగ ఎలా పైకెగబ్రాకుతుంది?
ఎవడు ఏ రంగంలో ఎదగాలన్నా
వాడికో శత్రువుండాలి సుమా!

గాలి ఎక్కువైన టైర్ ప్రేలిపోతుంది
ఏది ఎక్కువైనా మనిషి కూలిపోతాడు!
టైరులో ఎంతగాలి ఉండాలో
మెకానిక్ కు తెలుసు!
నీకేమిచ్చి బతుకుచక్రం తిప్పాలో పైవాడికి తెలుసు!

నిన్ను ప్రేమిస్తున్నట్టు నటించేమిత్రునికన్నా 
నిన్ను ద్వేషించే శత్రువే నయం! 
వాడి ద్వేషం నీగుండెబెలూన్ లో పౌరుషపు ఆక్సిజన్ గా మారి
నీమనోబలం రెట్టింపు శక్తితో పైకెగురుతుంది!
పై పైకెదుగుతుంది!
ఎంత ఎక్కువమంది శ్రువులుంటే
నువ్వు అంత జాగ్రత్తపడుతూ శక్తిమంతుడివై పోతావు!

రావణుడే లేకపోతే రాముడు దేవుడైపోయేవాడా?
శత్రువులేకుంటే నీవు  
మైకులేని స్పీకర్ లా మిగిలిపోయేవాడివి!

నీ ఓటమికి కారణం ఎరనుకుంటావు?
నీ మనసుశత్రువే!
నీ దేహం కూడా నీ శత్రువే!
ఎద్దుకు ముకుతాడువేసి లొంగదీసుకొన్నట్టు...నీపై కోరికలవల విసిరేసి నిన్నో పిచ్చివాణ్ణిచేసి నీ మనసు లొంగదీసుకుంటుంది!

శత్రువు నీలోనే ఉన్నాడని గుర్తించడమే ఎరుక!
అడుగడుగునా శత్రువులుంటేనే
నీది సరైన నడక!

ఈతనేర్చినవాడిని బావినీళ్ళెలా ముంచేస్తాయి?
కష్టాలకు భయపడనివారిని కన్నీళ్ళేం చేస్తాయి?
లోతుగురించి ఆలోచిస్తే నదినీళ్ళలో దూకలేవు!
శత్రువుగురించి ఆలోచించకుండా ముందుకు సాగిపోవడమే
నీ ధైర్యపునడక!
అదే జీవితపు ప్రతిమలుపులో గెలుపు పతాక!

మేఘం చినుకై వర్షించే ముందు
ఆకాశాన్ని ఉరుములు మెరుపులు భయపెట్టినట్టే...
నీ జీవితం కలలను స్వప్నించి సాకారం చేసుకునేవేళ
శత్రువులు గర్జిస్తూనే ఉంటారు!
తాటాకు మంటల్లా మెరుస్తూనే ఉంటారు? 

తిమింగలాలు మింగేస్తాయని 
పడవ భయపడి ముందుకుసాగి పోకుండా ఉంటుందా?
జీవితం కూడా ఓ పడవే!
నీ శత్రువే తిమింగలం!
కాలమే సముద్రం!
తీరం చేరడమే నీ
సాహస పయనం! 
ధైర్యమే విజయరహస్యం!

కవిత్వమైనా...వ్యక్తిత్వమైనా
భాస్వరం లా మండి వెలగాలంటే
అగ్గిపుల్లగీసేసే ఓ అదృశ్యపుచేయి ఉండాలి!
నీకైనా..నా కైనా...
 ఒక శత్రువు ఉండాలె!

       -కళారత్న డా.బిక్కికృష్ణ
      సెల్ :8374439053

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

కార్తెలు ( kārte)

చిత్రం
        pc: oneindiatelugu.com  There are 27 stars according to Telugu Astrology. Each has its own unique way. These are decided by the entry of the Surya or Sun.    సూర్యుడి గమనాన్ని ఆధారంగా చేసుకుని సంవత్సర కాలాన్ని 27 భాగాలుగా చేశారు. వాటికి ‘కార్తె’ అనే పేరు నిర్ణయించారు. ఒక్కో నక్షత్ర కూటమిలో సూర్యుడు దాదాపు రెండు వారాల పాటు ఉంటాడు. దీనిప్రకారం ఒక్కో కార్తె సుమారుగా 13 లేదా 14 రోజులు ఉంటుంది. అశ్వని నుంచి రేవతి వరకు ఇలా నక్షత్రాల పేరు మీద కార్తెలు ఏర్పడ్డాయి.             జోతిష్కులు 27 నక్షత్రాల ఆధారంగా జాతకాలు,  పంచాంగాలు తయారు చేశారు. సూర్యోదయమై నప్పుడు ఏ చుక్క (నక్షత్రం) చంద్రుడికి దగ్గరగా ఉంటే ఆ రోజుకు ఆ నక్షత్రం పేరు పెట్టారు. పున్నమి రోజు చంద్రుడు ఏ చుక్కతో ఉంటే ఆ నెలకు ఆ పేరు పెట్టారు.కానీ తెలుగు రైతులు మాత్రం ఇవే నక్షత్రాలతో తమ అనుభవాల ఆధారంగా వ్యవసాయ పంచాంగాలు తయారుచేసుకున్నారు. ఈ నక్షత్రాలను కార్తెలు అని పిలిచారు.సూర్యుడు ఏ నక్షత్రానికి దగ్గరగా ఉంటే ఆ కాలానికి ఆ  కార్తె  పేరు ప...
మరింత చదవండి

తెలుగు కథానిక - వికాసం

చిత్రం
తెలుగు కథానిక - వికాసం ప్రాచీన కావ్యాలన్ని కథతో ముడిపడి వున్నాయి. ఇప్పుడైతే కవిత్వం, కథ వేరు వేరుగా ఉన్నాయి గాని అప్పటివన్ని కథాకావ్యాలే. వచనంలో రాయడాన్ని గద్యం అన్నారు. కవిత్వాన్ని పద్యం అన్నారు. పద్యం, గద్యం, పద్యగద్యం ఇలా మూడు రూపాల్లో కథా కావ్యాలు వచ్చాయి. పద్యగద్య కావ్యాన్ని 'చంపూ' కావ్యం అంటారు. రుగ్వేదంలో, ఉపనిషత్తుల్లో, పురాణాల్లో, భారతంలో, రామాయణంలో ఉన్న కథలన్నీ కవిత్వంలో ఉన్నాయి గాని, అవన్నీకథలే. తెలుగులో అనగా అనగా అని మొదలుపెడితే ఆంగ్లంలో లాంగ్ లాంగ్ అగో, ఒన్స్ అపాన్ ఎ టైమ్ అంటూ మొదలు పెడతారు. మహాభారతంలో వచ్చే నలదమయంతి కథ, సతీ సావిత్రి కథ లాంటి వాటిని ఉపాఖ్యానాలు అన్నారు. కథలను కూడా విభజించారు. నీతి చెప్పే కథలను “నిదర్శనం' అన్నారు. ప్రారంభంలో రహస్యం (సస్పెన్స్) బట్టబయలు చేయకుండా చివరలో చెప్పే కథను “ మణికుల్య' అన్నారు. అగ్ని పురాణంలో(క్రీ.పూ. 7 శతాబ్దం) కథల్లో ఆఖ్యాయిక, కథ, ఖండకథ, పరికథ, కథానిక వంటి రకాలున్నాయని పేర్కొన్నట్లు జయంతిపాపారావు తన 'వెయ్యేళ్ల కథా ప్రస్థానం'లో చెప్పినారు. (1) ఆఖ్యాయిక : ఇది గద్యరూపంలో ఉంటుంది. దీనిలో 'ఉచ్వాసాల...
మరింత చదవండి

స్వేచ్ఛా శృంగార కథల సమాహారం శుకసప్తతి కథలు

చిత్రం
                                       శుకసప్తతి, స్వేచ్ఛాశృంగారానికి సంబంధించిన కథల సంపుటి. ఇందులో 21 పెద్ద కథలు, 9 ఉపకథలు, మొత్తం ముప్పై కథలు ఉన్నాయి. దీనిని పాలవేకరి ఖాదిరీపతి రచించాడు. ఇతను క్రీ.శ. 1660 నాటి కాలంలో జీవించాడు. నేటి ఆంధ్రప్రదేశ్ రాష్ట్రంలోని అనంతపురం జిల్లాలోని కదిరిలో జన్మించాడని కొందరు భావిస్తున్నారు. జయంతి పాపారావు తన “ఆరు వేల కథల ప్రస్థానం"లో ఆనాటి మైసూరు రాష్ట్రంలోని కోలార్ లో జన్మించాడని పేర్కొన్నారు. ఖాదిరీపతి శుకసప్తతిని 17వ శతాబ్దంలోని మూడోపాద ప్రాంతంలో రచించారని చరిత్రకారులు భావిస్తున్నారు. ఖాదిరీపతిని కాలక్రమంలో కదిరీపతిగా పిలిచారు. కదిరీపతి తల్లిదండ్రులు కదరరాజు, కదురమ్మ.వాస్తవానికి శుకసప్తతి పేరుతో 12వ శతాబ్దంలోనే ఒక సంస్కృత కావ్యం వచ్చింది. కాని కదిరీపతి ఆ శుకసప్తతిని అనువాదం చేయలేదు. తన స్వతంత్ర రచనగా తెలుగులో పద్యకావ్యంగా అదే రీతిలో రాసినాడు. ఒక రకంగా ఇది అనుకరణ కావ్యం.           ఇందులోని కథలన్నీ పురాణ కథలు కావు....
మరింత చదవండి