ఎందుకని ? ఎందుకని ? ఎందుకని ?

మూలంః కె.కె.కె. కుమార్ అనువాదం: దేవి

ఎందుకనీ ఎందుకనీ

ఎందుకనెందు కనెందు కనెందుకని?

వానల్లో హరివిల్లు ఎందుకని

చుక్కల్లో మిలమిల లెందుకని

మల్లెలు తెల్లని తెలుపులో ఉన్నాయెందుకనీ

మందారాలు ఎర్రటి ఎరుపులో విరిశాయెందుకనీ

మిణుగురు పురుగుల రెక్కల్లో

వెలుగుల దీపం ఎందుకనీ?

॥ఎందుకనీ॥

॥ఎందుకనీ||

గువ్వలు కాకులు ఎగిరినట్లు

పిల్లి ఎగరదు ఎందుకని?

చక్కని చిలుకల, చిక్కని ఉడతల ముద్దు ముచ్చటలు జాంపండుకు లేవెందుకనీ?

పచ్చని కొండల పచ్చదనం చిదిమేస్తున్నారెందుకనీ?

॥ఎందుకనీ॥

॥ఎందుకనీ||

నవ్వులు రువ్వే చిన్నికళ్లళ్లో

కన్నీళ్ళు ఎందుకని?

రాము బుజ్జీ అమ్మతో పాటు బిక్షకు వెళుతున్నారెందుకని?

అన్నం మందుల బదులు

బాంబులు చేస్తున్నారెందుకని?

కులాల పేరిట మతాల పేరిట కొట్టుకు చస్తున్నా రెందుకని?

॥ఎందుకనీ॥

॥ఎందుకనీ||

పస్తులు ఎందుకని ?

పేదరికం ఎందుకని ?

అజ్ఞానం ఎందుకని ?

ఎందుకనెందుకని అంటూ ఇదే సమయం ప్రశ్నించడానికి

ఎక్కడెక్కడ దౌర్జన్యం చెలరేగుతుందో

అక్కడక్కడ భయం బెదురు లేకుండా తలెత్తి గొంతెత్తి సూటిగా ప్రశ్నించు

ఎందుకని? ఎందుకని? ఎందుకని?

తెలుగు సాహిత్యం