వేదసాహిత్యం నుండి వచ్చిన ఇతర సాహిత్యం



                 రుగ్వేదంలో విష్ణువు  దేేేేేవుడు కాదు. ఆయన గురించి ఐదు సూక్తాలున్నాయి.  వేదాలలో విష్ణువును  మూడు ముఖ్యలక్షణాలతో   ప్రస్తావించారు.  (1) మూడు పెద్ద అంగలు వేసినవాడు (త్రివిక్రం). మూడు అడుగులతో లోకాలను ఆక్రమించినవాడు (2) పెద్ద శరీరం కలిగినవాడు (వరాహమూర్తి). జగత్తంతా వ్యాపించి ఉంటాడు. (3) యువకుడు, నవ యవ్వనుడు. ఇంకా విష్ణువు తన గుర్రాలను (రోజులను) వాటి ఆరు పేర్లతో (రుతువులతో) చక్రాన్ని తిప్పినట్లు కదల్చాడని చెప్పుకున్నారు. 

       విష్ణువు  ఇంద్రునికి స్నేహితుడు. వృతుడనే ద్రావిడు తో  నీటి తగాదా వస్తుంది. కాలువకు అడ్డంగా వృతుడు  నీరు పారకుండా అడ్డంగా పడుకున్నాడు. అతని అడ్డు తొలగించుకోవడానికి   విష్ణువు అతనితో యుద్ధం చేస్తాడు.వృతున్ని,అతని తల్లి ని విష్ణువు చంపేస్తాడు.ఇదొక చిన్న కథ. 

      వేదాల శ్లోకాలలో ఉన్న ఇలాంటి చిన్న కథలు బీజ ప్రాయంగా ఉన్నాయి. వాటిని ఉపనిషత్తుల్లో మరింత పెంచి  రాశారు. ఆ తర్వాత వచ్చిన పురాణాలలో, కావ్యాలలో ఆ కథలను మరింత విస్తరించి ఊహాత్మక కథను జోడించి కవులు రాశారు.

       శతపథ బ్రాహ్మణంలో ఒక కథ ఉంది. అందులో  విష్ణువు మూడడుగులలో ఆక్రమించే భూమిని దేవతలకు ఇచ్చేలా రాక్షసులు ఒప్పందం చేసుకొన్నారు. అప్పుడు విష్ణువు లోకాలను, వేదాలను, వాక్కును తన మూడడుగులతో ఆక్రమించాడు. అదే  వామనుని కథ. 

      శతపథ బ్రాహ్మణంలో "ఏమూష" అనే పేరుగల వరాహం భూమిని నీటినుండి పైకి ఎత్తింది అని చెప్పబడింది. తైత్తరీయ సంహితలో ఆ వరాహమే ప్రజాపతిగా అవతరించినట్లు చెప్పారు. అదే  వరాహుని కథ. 

       శతపథబ్రాహ్మణంలో  మనువును ప్రళయం నుండి ఒక చేప కాపాడే కథ ఉంది. అదే  మత్స్యముని కథ. 

     ప్రజాపతి నీటిలో తిరిగే తాబేలుగా మారాడు. అదే  కూర్ముని కథ. 

     వేదాలలో నిగూఢంగా ఉన్న ఆధ్యాత్మిక విషయాలను ఉపనిషత్తులు వెలువరించాయని కొందరంటే, అసలు వేదాలలో చెప్పకుండా వదిలేసిన విషయాలను ఇవి పూర్తి చేశాయని మరికొందరు అంటారు. ఏది ఏమైనా జ్ఞానసంబంధమైన గొప్ప చర్చలను లేవనెత్తిన పాఠాలు ఈ ఉపనిషత్తులు. ఉపనిషత్‌ మంత్రాలు జ్ఞానాన్ని సూటిగా చర్చించడమే కాదు. కొన్ని చక్కటి కథలను, ఉపమానాలను కూడా అందించాయి. వాటిలో ముఖ్యంగా చెప్పుకోదగ్గది సత్యకామ జాబాలుని కథ. ఈ కథ ఛాందోగ్య ఉపనిషత్తులో కనిపిస్తుంది.
        

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

తెలుగు కథానిక - వికాసం

చిత్రం
తెలుగు కథానిక - వికాసం ప్రాచీన కావ్యాలన్ని కథతో ముడిపడి వున్నాయి. ఇప్పుడైతే కవిత్వం, కథ వేరు వేరుగా ఉన్నాయి గాని అప్పటివన్ని కథాకావ్యాలే. వచనంలో రాయడాన్ని గద్యం అన్నారు. కవిత్వాన్ని పద్యం అన్నారు. పద్యం, గద్యం, పద్యగద్యం ఇలా మూడు రూపాల్లో కథా కావ్యాలు వచ్చాయి. పద్యగద్య కావ్యాన్ని 'చంపూ' కావ్యం అంటారు. రుగ్వేదంలో, ఉపనిషత్తుల్లో, పురాణాల్లో, భారతంలో, రామాయణంలో ఉన్న కథలన్నీ కవిత్వంలో ఉన్నాయి గాని, అవన్నీకథలే. తెలుగులో అనగా అనగా అని మొదలుపెడితే ఆంగ్లంలో లాంగ్ లాంగ్ అగో, ఒన్స్ అపాన్ ఎ టైమ్ అంటూ మొదలు పెడతారు. మహాభారతంలో వచ్చే నలదమయంతి కథ, సతీ సావిత్రి కథ లాంటి వాటిని ఉపాఖ్యానాలు అన్నారు. కథలను కూడా విభజించారు. నీతి చెప్పే కథలను “నిదర్శనం' అన్నారు. ప్రారంభంలో రహస్యం (సస్పెన్స్) బట్టబయలు చేయకుండా చివరలో చెప్పే కథను “ మణికుల్య' అన్నారు. అగ్ని పురాణంలో(క్రీ.పూ. 7 శతాబ్దం) కథల్లో ఆఖ్యాయిక, కథ, ఖండకథ, పరికథ, కథానిక వంటి రకాలున్నాయని పేర్కొన్నట్లు జయంతిపాపారావు తన 'వెయ్యేళ్ల కథా ప్రస్థానం'లో చెప్పినారు. (1) ఆఖ్యాయిక : ఇది గద్యరూపంలో ఉంటుంది. దీనిలో 'ఉచ్వాసాల...
మరింత చదవండి

కార్తెలు ( kārte)

చిత్రం
        pc: oneindiatelugu.com  There are 27 stars according to Telugu Astrology. Each has its own unique way. These are decided by the entry of the Surya or Sun.    సూర్యుడి గమనాన్ని ఆధారంగా చేసుకుని సంవత్సర కాలాన్ని 27 భాగాలుగా చేశారు. వాటికి ‘కార్తె’ అనే పేరు నిర్ణయించారు. ఒక్కో నక్షత్ర కూటమిలో సూర్యుడు దాదాపు రెండు వారాల పాటు ఉంటాడు. దీనిప్రకారం ఒక్కో కార్తె సుమారుగా 13 లేదా 14 రోజులు ఉంటుంది. అశ్వని నుంచి రేవతి వరకు ఇలా నక్షత్రాల పేరు మీద కార్తెలు ఏర్పడ్డాయి.             జోతిష్కులు 27 నక్షత్రాల ఆధారంగా జాతకాలు,  పంచాంగాలు తయారు చేశారు. సూర్యోదయమై నప్పుడు ఏ చుక్క (నక్షత్రం) చంద్రుడికి దగ్గరగా ఉంటే ఆ రోజుకు ఆ నక్షత్రం పేరు పెట్టారు. పున్నమి రోజు చంద్రుడు ఏ చుక్కతో ఉంటే ఆ నెలకు ఆ పేరు పెట్టారు.కానీ తెలుగు రైతులు మాత్రం ఇవే నక్షత్రాలతో తమ అనుభవాల ఆధారంగా వ్యవసాయ పంచాంగాలు తయారుచేసుకున్నారు. ఈ నక్షత్రాలను కార్తెలు అని పిలిచారు.సూర్యుడు ఏ నక్షత్రానికి దగ్గరగా ఉంటే ఆ కాలానికి ఆ  కార్తె  పేరు ప...
మరింత చదవండి

స్వేచ్ఛా శృంగార కథల సమాహారం శుకసప్తతి కథలు

చిత్రం
                                       శుకసప్తతి, స్వేచ్ఛాశృంగారానికి సంబంధించిన కథల సంపుటి. ఇందులో 21 పెద్ద కథలు, 9 ఉపకథలు, మొత్తం ముప్పై కథలు ఉన్నాయి. దీనిని పాలవేకరి ఖాదిరీపతి రచించాడు. ఇతను క్రీ.శ. 1660 నాటి కాలంలో జీవించాడు. నేటి ఆంధ్రప్రదేశ్ రాష్ట్రంలోని అనంతపురం జిల్లాలోని కదిరిలో జన్మించాడని కొందరు భావిస్తున్నారు. జయంతి పాపారావు తన “ఆరు వేల కథల ప్రస్థానం"లో ఆనాటి మైసూరు రాష్ట్రంలోని కోలార్ లో జన్మించాడని పేర్కొన్నారు. ఖాదిరీపతి శుకసప్తతిని 17వ శతాబ్దంలోని మూడోపాద ప్రాంతంలో రచించారని చరిత్రకారులు భావిస్తున్నారు. ఖాదిరీపతిని కాలక్రమంలో కదిరీపతిగా పిలిచారు. కదిరీపతి తల్లిదండ్రులు కదరరాజు, కదురమ్మ.వాస్తవానికి శుకసప్తతి పేరుతో 12వ శతాబ్దంలోనే ఒక సంస్కృత కావ్యం వచ్చింది. కాని కదిరీపతి ఆ శుకసప్తతిని అనువాదం చేయలేదు. తన స్వతంత్ర రచనగా తెలుగులో పద్యకావ్యంగా అదే రీతిలో రాసినాడు. ఒక రకంగా ఇది అనుకరణ కావ్యం.           ఇందులోని కథలన్నీ పురాణ కథలు కావు....
మరింత చదవండి