గులాబీ రేకులు

గులాబీ రేకులు

కవిత్వం రెండు సత్యాలు నేర్పింది

ఒకటి

ఎదుటి వాళ్ళను ప్రేమించమని

రెండోది

తప్పు చేసినా క్షమించమని

                           __ ఆశారాజు

సరికొత్త తరం కావాలి

సృజనకు జీవితానికి తేడా లేని

జీవితాన్ని సరికొత్తగా సృజించేతరం కావాలి

                      ___కె.శివారెడ్డి

మంచి మొగుడు, తండ్రి, కొడుకు ఉంటే చాలు అనే భావం పోయి తన పౌరసత్వం హక్కుల్ని అనుభవించాలనే భావమే స్త్రీవాదం

మేం పాలిచ్చి పెంచిన జనంలో సగమే

మిమ్మల్ని విభజించి పాలిస్తోంది

                             __సావిత్రి

 నెత్తుటి పిడికిలి లోంచి ఇంద్రధనస్సును ఆకాశం లోకి రువ్వితే అదే ఒక పతాకాల వనమైమన కోసం ఎదురు చూస్తుంది 

                    ___పినాకపాణి

ఆనందంతో ప్రజ్వలించే హృదయమే సౌందర్యం సౌందర్యమంటే

కనులు మూసుకున్న రూపాన్ని చూడగలగటం

       __యండమూరి వీరేంద్రనాథ్

నేను మాత్రం ఏం చెప్పగలను మరేం  రాయగలను

సామాన్యమైన విషయాలే గా ఎప్పుడు ఎవ్వరో ఎక్కడో చెప్పినవే

మనం ఇంకా చిక్కుముడులు విప్పుకుంటున్నాం

                          _ శిలాలోలిత

కళ్ళు మూస్తే చాలు ఓ క్షణం గతమై మిగులుతుంది కాలం కళ్ళు తెరిస్తే చాలు ఓ భావం అక్షరమై నిలుస్తుంది కలకాలం  

                      _వెంకటకృష్ణ

జనని సంస్కృతంబు సకల భాషలకును

దేశభాషలందు తెలుగు లెస్స జగతి దల్లికంటే సౌభాగ్య సంపద

మెచ్చుటాడుబిడ్డ మేలు కాదె

 

       శ్రీనాధుడు( క్రీడాభిరామం)

తెలుగదేలయన్న దేశంబు తెలుగేను

తెలుగు వల్లభుండ  తెలుగొ కండ

ఎల్లనృపుల గొలువ నెరుగవే బాసాడి

దేశభాషలందు తెలుగు లెస్స

  _శ్రీ కృష్ణ దేవరాయలు (ఆముక్తమాల్యద)

కవి గుండెలో రగిలి గీత మయ్యే శబ్దమే

కాప్షన్ గా మారి

వ్యాపారి చేతిలో దోపిడీ సాధ్యం అవుతుంది

                 __సుంకిరెడ్డి నారాయణ రెడ్డి

అందం నన్ను మోసం చేస్తుంది నాకు తెలియకుండానే నా    పద్యం వెనుక దాక్కుంటుంది. నన్ను నా ప్రజల నుంచి 

దూరం చేస్తుంది.                              

              __  గుడిహాళం రఘునాథం

ఇంతకాలమూ కాగితాల తోనే గడిచిపోయింది

ఏం కావాలో కాగితాల మీద రాస్తూ

                   __ వేగుంట మోహన ప్రసాద్

పెట్టుబడి అన్ని రంగాలనూ ఇనుప కౌగిలిలోకి లాక్కొని బుజ్జగిస్తున్నప్పుడు సమస్త విలువలు నశించిపోతాయి                             

              __   జూకంటి జగన్నాథం

శ్రమజీవి కండరాల పైన స్వేదబిందువు ను అదృశ్యశక్తులు అపహరించే వేళ

దోపిడీని అధ్యయనం చెయ్

                         __అలిశెట్టి ప్రభాకర్

ప్రతిది సులభముగా సాధ్యపడదు  లెమ్ము

నరుడు నరుడౌట ఎంతో దుష్కరము సుమ్ము

                          ___గాలిబ్

ఇప్పుడు ఇక్కడ అందం గురించి కాదు

ఆకలి గురించిమాట్లాడుకోవాలి

అగ్గిపెట్టెలో  పట్టించేందుకు

చీర కాదు కదా ఇది ఆకాశమంత ఆకలి

              _కోసూరి రవికుమార్

నాటి ఘనతల పొగడి పొంగిపోవుట కాదు

నేటి న్యూనత తెగడి కుంగికూలుట కాదు

ఆదర్శ మార్గమే

అనుసరించటమేలు

  __డాక్టర్ ఆశావాది ప్రకాశరావు

ఒక మనిషి జీవిత కాలాన్ని నిర్వచించేది అతని భాషణే                             __ఫ్రాన్సిస్ బేకన్

విశ్వ శ్రేయస్సుకు మార్గం ఆదర్శవాదం కాదు. భౌతిక వాదాన్ని అంగీకరించి వివిధ వర్గాలుగా విభజింపబడిన ప్రజలలో పీడిత వర్గం తరపున నిలబడి వారిలో ఒక భాగమై రచయిత పోరాడ గలిగినట్లయితే విశ్వశ్రేయస్సుకు  ప్రజాభ్యుద యానికి దారి తీస్తారు.       

                    ___పుచ్చలపల్లి సుందరయ్య

సరైన పద్ధతిలో  అమర్చిన సరైన పదాలే కవిత్వం

                                  ___కొల్రిడ్జి

నేను పుట్టకముందే దేశద్రోహుల జాబితాలో నమోదై ఉంది నా పేరు

                           __ ఖాదర్ మొహిద్దీన్

బాధల్లోంచి ఉరికే భావమే కవిత్వం

వేదనలోంచి రగిలే నాదమే కవిత్వం

                   ____ బాణాల శ్రీనివాసరావు

ఎంత రాచ మొక్కయినా సిమెంటులోన మొలవదురా 

సృష్టికి ప్రాణం పోసే మట్టికి హారతి పడతా

                                  ____ సినారె

మట్టి మనసు

ఇంకిన జలధుల ఆర్ద్రత లో భావితరం జీవనదుల్ని  వెతుకుతుంది

పల్లె మనసు

రాలిన ఆకుల కుదుళ్లలో రేపటి చివురుల్ని మొలిపించుకుంటుంది.

               ___ హనుమా రెడ్డి