నూటాయాభైయ్యేళ్ల ఆధునికసాహిత్యం_ విహంగ వీక్షణం_పార్ట్2

  
                           

             చక్కని వాడుక భాషలో సరళమైన భాషతో, భావాలతో, ముత్యాల సరాలను “ కొత్త పాతల మేలుకలయిక క్రొమ్మెరుంగులు చిమ్మగా” కూర్చి తెలుగు భాషకు వన్నె తెచ్చాడు గురజాడ.

             ప్రపంచ సాహిత్యంలో ఆధునిక కథానిక 1832లో పుట్టింది. పారిశ్రామిక విప్లవం తరువాత వచ్చిన మార్పుల కారణంగా సమాజంలో మధ్యతరగతి వర్గం ప్రవేశించింది. మధ్యతరగతి బుద్ధిజీవుల నుంచి వచ్చిన కథానిక మన దేశంలోకి
ఆంగ్లేయుల రాకతో ప్రవేశించింది. మన ప్రాచీన సాహిత్యంలో ముఖ్యంగా భారతంలో, బౌద్ధ జాతక కథలలో, బృహత్కథలో ఉన్న కథకు ఆధునిక కథకు చాలా బేధం ఉంది. ఆధునిక కథకు ఉన్న లక్షణాలు ప్రాచీన సాహిత్యంలో ఉన్న కథలకు లేవు. కానీ కథానిక అనే పదాన్ని అగ్నిపురాణం నుంచి స్వీకరించి వాడుకలో ప్రవేశపెట్టారు.
        ముందుకు చదివింపచేసే ప్రారంభం, చక్కటి నడక, సంభ్రమాన్ని కలిగించే ముగింపు కథానిక లక్షణాలు. రచయిత వస్తుస్వీకరణలో జాగ్రత్త వహించాలి. తీసుకున్న వస్తువును పదికాలాలపాటు నిలిచేలా చెప్పగలగటమే శిల్పం. ఏకకాలంలో ఒకే అంశాన్ని గూర్చి చెప్పాలి. కథపాత్రలనూ,
సన్నివేశాలను సృష్టిస్తుంది, వర్ణిస్తుంది. అంటే వ్యక్తులను, నిర్దిష్ట సన్నివేశాలలో వాళ్ళకు కలిగే కష్టసుఖాలనూ, రాగద్వేషాలను చిత్రిస్తుంది. ఈ విధంగా కథలో ఆద్యంతం పాత్రల అనుభూతులు వ్యక్తమవుతూ ఉంటాయి. కథారచయిత
అనవసరమైన పాత్రలు, వర్ణనలు ప్రవేశపెట్టకూడదు. చిన్న వాక్యాలు, క్లుప్తత కథ అల్లికకు అందాన్ని కలిగిస్తాయి. ప్రారంభం నుండి చివరిదాకా
చదివింపచేసేది, గుండెల్ని అర్థం చేసి ఆవేదనతో పాఠకుల కళ్ళు చెమ్మగిల్లచేసేది ఉత్తమకథ.   ఆంగ్లేయుల ఇంగ్లీషు భాషా సాహిత్య ప్రభావంతో  
తెలుగు కథా నిర్మాణం సాగింది.గురజాడకు ఆంగ్ల సాహిత్యం తో పరిచయం ఉంది.అందు వల్లనే
గురజాడ తన దిద్దుబాటు కథను కొత్త ఒరవడితో రాసి  కథాప్రక్రియలో కొత్త అధ్యాయానికి శ్రీకారం చుట్టాడు. గురజాడ కన్నా ముందే బండారు అచ్చమాంబ కథ రాసింది. ఆమె కన్నా ముందే అటు రాయలసీమ లో నూ ఇతర ప్రాంతాల లోనూ చాలా మంది దాకా కథలు రాసినవారున్నప్పటికీ గురజాడను మనం కథకు అద్యుడుగానే భావిస్తున్నాం. కారణం ఆయన ఒక ఉద్యమ స్ఫూర్తితో తీసుకున్న కథావస్తువు, శైలి, నూతన ఒరవడి. నాటకంలో నూతన ఒరవడిని ప్రవేశపెట్టినవాడు గురజాడ. తన కన్యాశుల్కం నాటకంలో కన్యలనమ్మే విధానాన్ని వ్యతిరేకిస్తూ సామాజికా భ్యుదయాన్ని ఆకాంక్షించాడు. కథానిక, నాటకం, కవిత్వాలకు నవ్యరీతులను చేర్చి నూతన యుగానికి బాటలు వేసిన వాడు గురజాడ. అందుకే ప్రాచీన కాలంలో తిక్కన, మధ్యయుగంలో
వేమన, ఆధునిక యుగంలో గురజాడ ముగ్గురు కలిసి కవిత్రయమన్నాడు శ్రీ శ్రీ. కథానిక ప్రక్రియ గురజాడ ప్రారంభించిన ఒరవడిని అందుకుని చలం,
శ్రీపాదసుబ్రమణ్యం శాస్త్రి, వేటూరి శివరామ శాస్త్రిల చేతుల్లో కథ శక్తివంతంగా విరాజిల్లింది. చలం తన కథారచనలతో ప్రజల్లో విప్లవాత్మక భావనలను
ప్రవేశపెట్టారు.

     - పిళ్ళా కుమారస్వామి 

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

కార్తెలు ( kārte)

చిత్రం
        pc: oneindiatelugu.com  There are 27 stars according to Telugu Astrology. Each has its own unique way. These are decided by the entry of the Surya or Sun.    సూర్యుడి గమనాన్ని ఆధారంగా చేసుకుని సంవత్సర కాలాన్ని 27 భాగాలుగా చేశారు. వాటికి ‘కార్తె’ అనే పేరు నిర్ణయించారు. ఒక్కో నక్షత్ర కూటమిలో సూర్యుడు దాదాపు రెండు వారాల పాటు ఉంటాడు. దీనిప్రకారం ఒక్కో కార్తె సుమారుగా 13 లేదా 14 రోజులు ఉంటుంది. అశ్వని నుంచి రేవతి వరకు ఇలా నక్షత్రాల పేరు మీద కార్తెలు ఏర్పడ్డాయి.             జోతిష్కులు 27 నక్షత్రాల ఆధారంగా జాతకాలు,  పంచాంగాలు తయారు చేశారు. సూర్యోదయమై నప్పుడు ఏ చుక్క (నక్షత్రం) చంద్రుడికి దగ్గరగా ఉంటే ఆ రోజుకు ఆ నక్షత్రం పేరు పెట్టారు. పున్నమి రోజు చంద్రుడు ఏ చుక్కతో ఉంటే ఆ నెలకు ఆ పేరు పెట్టారు.కానీ తెలుగు రైతులు మాత్రం ఇవే నక్షత్రాలతో తమ అనుభవాల ఆధారంగా వ్యవసాయ పంచాంగాలు తయారుచేసుకున్నారు. ఈ నక్షత్రాలను కార్తెలు అని పిలిచారు.సూర్యుడు ఏ నక్షత్రానికి దగ్గరగా ఉంటే ఆ కాలానికి ఆ  కార్తె  పేరు ప...
మరింత చదవండి

తెలుగు కథానిక - వికాసం

చిత్రం
తెలుగు కథానిక - వికాసం ప్రాచీన కావ్యాలన్ని కథతో ముడిపడి వున్నాయి. ఇప్పుడైతే కవిత్వం, కథ వేరు వేరుగా ఉన్నాయి గాని అప్పటివన్ని కథాకావ్యాలే. వచనంలో రాయడాన్ని గద్యం అన్నారు. కవిత్వాన్ని పద్యం అన్నారు. పద్యం, గద్యం, పద్యగద్యం ఇలా మూడు రూపాల్లో కథా కావ్యాలు వచ్చాయి. పద్యగద్య కావ్యాన్ని 'చంపూ' కావ్యం అంటారు. రుగ్వేదంలో, ఉపనిషత్తుల్లో, పురాణాల్లో, భారతంలో, రామాయణంలో ఉన్న కథలన్నీ కవిత్వంలో ఉన్నాయి గాని, అవన్నీకథలే. తెలుగులో అనగా అనగా అని మొదలుపెడితే ఆంగ్లంలో లాంగ్ లాంగ్ అగో, ఒన్స్ అపాన్ ఎ టైమ్ అంటూ మొదలు పెడతారు. మహాభారతంలో వచ్చే నలదమయంతి కథ, సతీ సావిత్రి కథ లాంటి వాటిని ఉపాఖ్యానాలు అన్నారు. కథలను కూడా విభజించారు. నీతి చెప్పే కథలను “నిదర్శనం' అన్నారు. ప్రారంభంలో రహస్యం (సస్పెన్స్) బట్టబయలు చేయకుండా చివరలో చెప్పే కథను “ మణికుల్య' అన్నారు. అగ్ని పురాణంలో(క్రీ.పూ. 7 శతాబ్దం) కథల్లో ఆఖ్యాయిక, కథ, ఖండకథ, పరికథ, కథానిక వంటి రకాలున్నాయని పేర్కొన్నట్లు జయంతిపాపారావు తన 'వెయ్యేళ్ల కథా ప్రస్థానం'లో చెప్పినారు. (1) ఆఖ్యాయిక : ఇది గద్యరూపంలో ఉంటుంది. దీనిలో 'ఉచ్వాసాల...
మరింత చదవండి

స్వేచ్ఛా శృంగార కథల సమాహారం శుకసప్తతి కథలు

చిత్రం
                                       శుకసప్తతి, స్వేచ్ఛాశృంగారానికి సంబంధించిన కథల సంపుటి. ఇందులో 21 పెద్ద కథలు, 9 ఉపకథలు, మొత్తం ముప్పై కథలు ఉన్నాయి. దీనిని పాలవేకరి ఖాదిరీపతి రచించాడు. ఇతను క్రీ.శ. 1660 నాటి కాలంలో జీవించాడు. నేటి ఆంధ్రప్రదేశ్ రాష్ట్రంలోని అనంతపురం జిల్లాలోని కదిరిలో జన్మించాడని కొందరు భావిస్తున్నారు. జయంతి పాపారావు తన “ఆరు వేల కథల ప్రస్థానం"లో ఆనాటి మైసూరు రాష్ట్రంలోని కోలార్ లో జన్మించాడని పేర్కొన్నారు. ఖాదిరీపతి శుకసప్తతిని 17వ శతాబ్దంలోని మూడోపాద ప్రాంతంలో రచించారని చరిత్రకారులు భావిస్తున్నారు. ఖాదిరీపతిని కాలక్రమంలో కదిరీపతిగా పిలిచారు. కదిరీపతి తల్లిదండ్రులు కదరరాజు, కదురమ్మ.వాస్తవానికి శుకసప్తతి పేరుతో 12వ శతాబ్దంలోనే ఒక సంస్కృత కావ్యం వచ్చింది. కాని కదిరీపతి ఆ శుకసప్తతిని అనువాదం చేయలేదు. తన స్వతంత్ర రచనగా తెలుగులో పద్యకావ్యంగా అదే రీతిలో రాసినాడు. ఒక రకంగా ఇది అనుకరణ కావ్యం.           ఇందులోని కథలన్నీ పురాణ కథలు కావు....
మరింత చదవండి